ՄՈՐ ՁԵՌՔԵՐԸ - ՊԱՐՈՒՅՐ ՍԵՎԱԿ - Каталог статей - Персональный сайт
ԲԱՐԻ ԳԱԼՈՒՍՏ HAYARM 
Меню сайта
Категории каталога
ՊԱՐՈՒՅՐ ՍԵՎԱԿ [4]
ԱՎԵՏԻՔ ԻՍԱՀԱԿՅԱՆ [1]
ՀՈՎՀԱՆՆԵՍ ՇԻՐԱԶ [1]
ՎԱՀԱՆ ՏԵՐՅԱՆ [1]
ԵՂԻՇԵ ՉԱՐԵՆՑ [0]
ՀՈՎՀԱՆՆԵՍ ԹՈՒՄԱՆՅԱՆ [0]
ԳԵՎՈՐԳ ԷՄԻՆ [0]
ՍԻԼՎԱ ԿԱՊՈՒՏԻԿՅԱՆ [0]
ՄԻՍԱՔ ՄԵԾԱՐԵՆՑ [0]
Наш опрос
Оцените мой сайт
Всего ответов: 224
Главная » Статьи » ՊԱՐՈՒՅՐ ՍԵՎԱԿ

ՄՈՐ ՁԵՌՔԵՐԸ

Այս ձեռքերը՝ մո՜ր ձեռքերը,
Հինավուրց ու նո՜ր ձեռքերը...

Ինչե՜ր ասես, որ չեն արել այս ձեռքերը...
Պսակվելիս ո՜նց են պարել այս ձեռքերը՝
Ի՜նչ նազանքով,
Երազանքո՜վ։
 
Ինչե՜ր ասես, որ չեն արել այս ձեռքերը...
Լույսը մինչև լույս չեն մարել այս ձեռքերը,
Առաջնեկն է երբ որ ծնվել,
Նրա արդար կաթով սնվել։
 
Ինչե՜ր ասես, որ չեն արել այս ձեռքերը...
Զրկանք կրել, հոգս են տարել այս ձեռքերը
Ծով լռությա՜մբ,
Համբերությա՜մբ։
 
Ինչե՜ր ասես, որ չեն արել այս ձեռքերը...
Երկինք պարզված սյուն են դառել այս ձեռքերը,
Որ չփլվի իր տան սյունը՝
Որդին կռվից դառնա տունը։
 
Ինչե՜ր ասես, որ չեն արել այս ձեռքերը...
Մինչև տատի ձեռք են դառել այս ձեռքերը,
Այս ձեռքերը՝ ուժը հատած,
Բայց թոռան հետ նոր ուժ գտած...
 
Քար են շրջել, սար են շարժել այս ձեռքերը...
Ինչե՜ր, ինչե՜ր, ինչե՜ր չարժեն այս ձեռքերը՝
Նո՜ւրբ ձեռքերը,
Սո՜ւրբ ձեռքերը։
 
... Եկեք այսօր մենք համբուրենք որդիաբար
Մեզ աշխարհում ծնած-սնած,
Մեզ աշխարհում շահած-պահած,
Մեզնից երբեք չկշտացած,
Փոշի սրբող, լվացք անող,
Անվերջ դատող, անվերջ բանող
Ա՛յս ձեռքերը,
Թող որ ճաքած ու կոշտացած,
Բայց մեզ համար մետքսի պես
Խա՛ս ձեռքերը...
Категория: ՊԱՐՈՒՅՐ ՍԵՎԱԿ | Добавил: hayarm (01.01.2009)
Просмотров: 2986 | Рейтинг: 4.9/31 |
Всего комментариев: 0
Форма входа
Поиск
Друзья сайта
Статистика

Онлайн всего: 0
Гостей: 0
Пользователей: 0
Copyright MyCorp © 2014 Сайт управляется системой uCoz